القصيده هذا الله يسلمكم لشاعر جايز سعيد

على هامش الذكرى و الاحداث يوم بيوم
اسطر جميـع اللـي حصـل و اتغنابـه
هواجيس قلبي كوم و اللي احسه كـوم
ولا كل شي بخاطري اكشـف احجابـه
لو ان الحيا مابين ذاتـي كـذا معـدوم!
جرحت السكوت بشي ما يحسب احسابه
لكني على الاطلال اقف قـوي اعـزوم
ولا اقول دمعي ما تعطـر بـه اهدابـه
عسى الله يسلي خاطرا ضايقـا مهمـوم
من اعوام و الضيقه توقـف علـى بابـه
قضا ما مضا من نشوة العمر كله صـوم
ومـن وجبـة الحرمـان دمّـه تغذابـه
الين ارتوا بالصبر مـن قسمـه المقسـوم
ولا كـل ضلعـا" يمنعـه لـو تلوابـه
لو انه زعيم الفـرس ولا زعيـم الـروم
مع الهم كنه واحـدا" مـا معـه لابـه
جريح الفواد اعيونه اتعاف حلـو النـوم
من الحزن كنه طايحا" فـي وسـط غابـه
على راسه المطنوخ تكثر طيـور الحـوم
ومع الارض حتى الهـر ايفتـل اشنابـه
فعن اغلى البشر ياقلب لا شام قربك شوم
ولا تلتفت صوبـه ولـو طـول غيابـه
شف النااس كيف اتعوم لو ما تعرف اتعوم
ترى اكثر عشاشيق الزمن نـاس كذابـه
على هامش الذكرى تسطر بقايـا يـوم
ولا تبتلش في الحـب وتسّيـل اشعابـه